【名家給力場】王良享:美國最快7月減息(下)

【Now財經台】美國聯儲局一如預期按兵不動，主席鮑威爾(Jerome Powell)再次話唔急於減息，並指美國總統特朗普(Donald Trump)多次呼籲聯儲局減息，但呢啲言論完全唔會影響聯儲局工作，亦從未要求同佢會面。不過，唔少經濟師認為美國今年仍會減息，點睇美國息口走向？

臻享顧問董事總經理王良享指，聯儲局口吻都係叫市場等下，因為關稅及失業率有太多不確定性，不過，佢相信鮑威爾唔會因特朗普施壓而減息，聯儲局喺過去30年一直非常著重獨立性，因為局方係負責守住經濟大門。

Tommy又話，依家係冇辦法之中嘅辦法，聯儲局一定要保持審慎態度，提升返市場對局方嘅信任，佢估計，7月及年底將會各減息1次，至於會唔會出現突變，就要睇失業率會唔會大幅攀升，如果真係大升，到時就有機會調整利率。