【專家分析】梁偉民:若Apple高過220美元唔值博

【Now財經台】中美貿易談判有好消息，利好投資情緒，美股3大指數昨晚(12日)大升，其中，納指收市飆逾4%，蘋果公司(Apple Inc.)股價收市大升逾6%，升穿210美元。此外，據《華爾街日報》報道，今年秋天推出嘅新iPhone系列或要加價，但聲稱同關稅冇關，主要係有新功能及新計設。Apple喺貿易戰及內地競爭激烈夾擊下，股價仲可以彈到幾高？

高富金融集團投資總監梁偉民指，Apple股價要進一步反彈就要視乎市場對關稅嘅反應，同埋中美談判進展，依家中美有90日「休戰期」，市場期望喺呢段時間達成最終貿易協議，否則，呢場仗會再打落去，不過，只要關稅最終唔高過50%，已經對Apple有利，始終Apple大部分產品喺中國生產，再出口去美國，如果美國向中國貨徵收高關稅，為咗轉嫁成本新iPhone系列一定會加價，繼而對銷售構成重大影響。

Wyman又指，Apple股價由260美元落到現水平，依家仍未補返裂口，股價見220美元仍有可能，但由於仲有好多不明朗因素，股價再升高啲就唔值博。