【槓桿致勝】恒指牛熊過夜部署點擺位？

【Now財經台】港股今早(13日)回套，恒生指數低開55點後，跌幅不斷擴大，一度低見23190點，瀉逾350點。牛證重貨區上移至約23200點，有872張嘅相對期指部署，其中22700點係最多人加倉位置，熊證新重貨區喺23700點，有近400張相對期指部署。恒指連升8個交易日後終於要回一回氣，昨日(12日)抽升逾600點，好友紛紛食糊，今朝好淡友都較進取，如果收回價距離現價約500點，合唔合適？

胤源世創家族辦公室(香港)第一副總裁黃偉豪指，因為中美談判有好消息，整體市場睇法都比以前樂觀，從短期資金角度嚟睇，好倉資金不斷流出，因為市場擔心未來仍有變數。此外，指數從上月中低位19200點升至昨日高位23600點以上，已累升約5000點，市場覺得已反映咗中美關係緩和因素，後市要再升就比較難，所以做返減倉部署。

Ravi指，如果收回價距離現價約500點問題唔大，但如果擺過夜就略嫌貼價咗少少，以好倉計，距離500點，都只係落返約21800點，依家恒指50天線喺21800點，所以500點以外會比較好，尤其係過夜，可以考慮有800點距離。