【專家分析】美通脹續降溫但未脫險

【Now財經台】美國4月消費物價指數(CPI)按年升2.3%，按月就升0.2%，兩者都低過預期，而扣除食品及能源嘅核心CPI按年升2.8%，符預期，按月則升0.2%，低過預期。由於通脹壓力持續緩解，令市場對減息預期略為升溫，今次嘅通脹數據有咩啟示？點評估聯儲局減息時間及次數？

潤淼資產管理董事盧志威指，美國最新出爐嘅通脹數據令人意外，市場開始評估關稅對美國整體通脹帶來嘅影響，雖然暫時似乎影響唔大，但始終中美談判未有最終結果，樂觀之餘仍要注意相關風險。

William又話，聯儲局今年下時間有機會減息1至2次，但對市場嚟講冇太大實際意義，只係釋出利率水平正處於下行周期嘅訊號，係一個心理上嘅利好。