【槓桿致勝】阿里博反彈揀CALL/牛仔？

【Now財經台】阿里巴巴(09988)昨日(15日)派咗季度成績表，上季經調整多賺22%，差過預期，繼美國ADS昨晚(15日)大跌後，香港股價今早(16日)都跟跌，一度大跌逾6%，低見120.3元。市場上嘅熱門CALL，行使價145元至147元，價外18%至19%，槓桿做到5倍至6倍，如果部署呢批CALL有咩要留意？

法興銀行證券上市產品銷售部董事周翰宏指，阿里績後走弱，若股價之後可以喘穩，引伸波幅有望喺未來1至2周回落，Horace建議，投資者唔好揀太價外嘅CALL，反而可以留意收回價110元嘅牛證，槓桿做到10倍。