【Now財經台】截至早上11時止，1小時內《彭博》用戶搜尋量最多港股，依次為龍湖集團(00960)、巨子生物(02367)、蒙牛乳業(02319)、中國海外發展(00688)及華潤置地(01109)。
醫護行業係另一個資金避險地方，做皮膚護理及健康食品嘅巨子生物股價周一(14日)破頂，不過，公司趁勢折讓「抽水」，股價今日(17日)逆市向下，公司業績唔錯，毛利率高，現金水平又充足，依家係咪趁低吸納嘅好時機？
椽盛資本投資總監曾永堅指，雖然巨子生物嘅本業及服務受中美貿易戰嘅直接影響有限，只係內需及購買力會受關稅政策影響，但巨子生物嘅業務及產品銷售，取決於用家對品牌嘅信心，以及市面上嘅代替品，而國內護理產品嘅競爭激烈，投資者仍然要小心部署。
Jaseper又話，投資者亦要留意巨子生物守唔守到配股價及50天線，即66.5元水平，能夠守得住先好部署吸納。
