【Now財經台】公開招股超額認購逾3600倍，茶飲新股滬上阿姨(02589)今日(8日)首掛，股價大幅高開逾68%，開市報190.6元，早段一度高見197.6元，較上市價113.12元，高逾74%，之後升勢回順，似乎有一定獲利壓力。睇返其他早年上市嘅茶飲股，如古茗(01364)及蜜雪集團(02097)等，股價喺上市後不斷破頂，滬上阿姨對比呢兩家同業似乎冇咩著數，值唔值得睇好？
艾德金融執行董事陳政深指，大家都係以加盟模式經營，滬上阿姨冇明顯優勢，呢類品牌嘅客戶係加盟商，因此，就算茶飲價格低，毛利率都可以做到好高。
基本面方面，雖然滬上阿姨專攻消費下流，但業務策略清晰，聚焦下沉市場，有行業報告顯示，呢啲城市未來增長會係最快，不過，內地茶飲市場競爭非常激烈，要靠品牌及營運取勝，便利性係最重要，亦只能鬥平以維持競爭力。
Ryan又指，滬上阿姨股價或仍有上望空間，但本身已算貴，加上慢慢見頂，投資風險隨之而上升。
