【Now財經台】截至早上11時，過去1小時內《彭博》用戶搜尋量最多港股，依次為舜宇光學科技(02382)、小米集團(01810)、騰訊控股(00700)、瑞聲科技(02018)、創科實業(00669)。
中美貿易戰有降溫迹象，早前美國總統特朗普(Donald Trump)嘅對等關稅(Reciprocal Tariff)豁免咗智能手機等電子產品，依家中國智能手機只徵收20%「芬太尼(Fentanyl)關稅」，今日手機股表現强勢，投資者應唔應該繼續憧憬？
富昌證券聯席董事譚朗蔚提醒，投資者必須審慎，若關稅問題持續惡化，將影響基本因素，削弱估值及令公司業績倒退，中美經貿高層會談結束後，中美都話取得重大進展，令市場對今日(12日)稍後公布嘅聯合聲明有憧憬，不過，關稅政策一日未落實，都冇人估計到之後嘅實際情況。
Stevan建議，舜宇暫時可先睇68元，瑞聲就睇39元，因為呢啲位置都係不容有失，如果守得住，後市就會有上望空間。
