【Now財經台】截至早上11時止，過去1小時內《彭博》用戶搜尋量最多港股，依次為華潤啤酒(00291)、舜宇光學科技(02382)、小米集團(01810)、美團(03690)、騰訊控股(00700)。
潤啤主席侯孝海減持63.8萬股，涉資約1795萬元，持股量降至0.01%，潤啤股價今朝(13日)一度挫6%，低見26.35元，連主席都減持，市場似乎更難重拾信心？
富途證券首席分析師譚智樂指，通常主席減持會影響市場信心，加上市場對啤酒板塊冇太大樂觀預期，喺市場多次炒作內需及消費板塊下，潤啤股價仍長期喺27元水平橫行，所以今日跌落嚟都好合理，反映市場對潤啤冇信心。
Arnold補充，潤啤股價今日以半日低位開市，估計之後未必會再插水式下跌，現時公司市盈率(PE)約17倍，估值水平尷尬，話貴唔貴，話平唔平，加上考慮到市場對啤酒行業前景嘅睇法，預期潤啤股價未來會繼續橫行。
