【Now財經台】截至早上11時止，1小時內《彭博》搜尋量最多港股，依次為新鴻基地產(00016)、騰訊控股(000700)、比亞迪股份(01211)、小米集團(01810)、友邦保險(01211)。
本港銀行同業拆息連跌多日後，今日(15日)普遍反彈，其中，1個月拆息終止連跌7日，但仍處於低位，有大型新盤首輪銷售即日沽清，拆息跌到咁低，到底對發展商賣樓有冇幫助？其中，新鴻基地產(00016)股價4月初至今已反彈逾20%，係咪開始受制於80元阻力？
紅蟻資本投資總監李澤銘估計，拆息低企情況位最多再持續1至2個月，唔會長期都咁低，相信呢個情況同最近唔少公司派息、大型新股上市有關，雖然供樓付擔減輕咗，但唔係想像中咁樂觀，對樓市、發展商借貸成本而言，更未必係一個長期利好。
Alan又話，依家新地股價喺80元水平徘徊，即使銷售方面有好消息，都較難明顯突破呢個阻力，估計短期會喺80元至82元上落。
