【Now財經台】吉利汽車(00175)今日(15日)中午派咗上季績表，純利按年大升2.6倍，期內銷量按年增長近48%至70萬部，創新高。早前，集團宣布擬私有化喺美國上市嘅極氪(Zeekr)，希望可以集中資源及發揮協同效應。吉利新能源業務強勁增長，銀河品牌及極氪未來係咪可以推高集團毛利率，提升每部車嘅淨利潤？
艾德金融執行董事陳政深表示，由於極氪喺集團嘅定位偏高，車價逾30萬人仔，入場費偏貴，係可以推動集團整體毛利率。Ryan直言，依家車價逾30萬人仔嘅新能源車市場競爭激烈，賣車係唔容易，因為車價逾20萬人仔嘅入門車，已經有唔錯嘅性能及市場期望有嘅配備，所以要有品牌價值先可以賣到高價錢。
Ryan又話，銀河成個品牌其實已經站穩腳，再加埋1個高端品牌，有條件持續成為吉利嘅重要增長動力。
