【Now財經台】敏華控股(01999)今日(15日)中午派咗成績表，全年少賺逾10%，派末期息12仙，按年減少近10%，股價午後倒插，一度挫4.4%，低見4.27元，呢份業績市場收唔收貨？股價未來會點行？
耀才證券研究部總監植耀輝指，其實本身都唔會對敏華業績有太大期望，公司主要賣家具用品，要面對嘅最大問題就係內地房地產市場，公司為咗慳成本推出過唔少政策，但產品收益仍繼續跌，令業績表現唔一致。
Stanley又話，雖然呢份業績比預期好，但唔足以令人對公司整體表現改觀，始終集團現金流面對一定變數及挑戰，又削減派息，但息率仍有一定吸引力，股東亦會繼續增持，建議冇貨嘅投資者繼續觀察，諗清楚再入市。
