【Now財經台】內地中式餐廳營運商綠茶集團(06831)暗盤昨日(15日)「潛水」逾7%，收報6.64元，股份今日(16日)首掛，開市報7.19元，跟招股價持平，其後一度低見6.69元，低招股價近7%，之後仍未能上返水面，綠茶集團公開招股超額認購逾310倍，一手中籤率40%，反應都理想，但首掛表現似乎差過預期。
博威環球證券金融首席分析師聶振邦指，綠茶集團定位為餐飲股，有別於之前集體炒上嘅茶飲股，依家已經有好多內地餐飲股喺港股掛牌，表現及吸引力難免打咗折扣。
聶Sir又話，綠茶集團市盈率(PE)高過百勝中國(09987)及海底撈(06862)，估計短期走勢會較波動，但估計未來1至2周股價好大機會向上，有望逐步上到8元樓上。
