【Now財經台】中美貿易談判本周初出現重大突破，互相大幅下調對方嘅關稅，為市場帶嚟驚喜。美國總統特朗普(Donald Trump)預期，有機會喺周末同國家主席習近平通電話，但至今官方仍未確認兩人係咪會通話，人仔後市能否突破7.18？
獨立外匯商品分析師盧楚仁認為，人仔未必可以突破7.18，即使互減關稅，經濟始終會受影響，唔同層面有唔同程度嘅負面效應，喺經濟欠佳下，人民銀行繼續減息降準會係大方向。佢又話，中央及人行係咪想人仔升值，呢個問題都要思考下。
Jasper補充，喺貿易戰下，其實人仔貶值或更有利，如果關稅加、人仔又升值，內地出口貨品會變得更貴，完全不利出口，佢認為，人仔升值空間唔會太大。
