【Now財經台】內地餐飲股綠茶集團(06831)今日(16日)首掛，開市報7.19元，跟招股價持平，其後走勢轉差，最終以全日低位收市，報6.29元，「潛水」逾12%。綠茶集團公開招股超額認購逾310倍，市場反應都熱烈，點解首掛表現唔係咁理想？
王道資本及家族資產管理執行董事黃敏碩指，綠茶集團嘅餐價合理，但人工支出控制、「內捲」文化、內地通縮等問題仍未解決，加上市場對綠茶集團嘅睇法及定位，跟茶飲股截然不同，反而會同百勝中國(09987)及海底撈(06862)等傳統餐飲股作比較。
Michael又話，內地餐飲業競爭激烈，既要成本控制，又要減價吸引客人，所以綠茶集團要提升毛利率係非常困難，亦好難獲得高估值。
