【息賺】HIBOR繼續跌 純收息可吼...

【Now財經台】近日銀行同業拆息(HIBOR)全線下跌，其中，跟樓按相關嘅1個月拆息，最新跌至1.923厘水平，隔夜拆息進一步跌至0.071厘水平，地產股今日(12日)普遍造好，仲可以跑贏大市，依家想入手本地地產股嘅投資者有咩要留意？

獨立市場策略師何啟聰指，HIBOR向下可推動置業需求增加，但要留意係，今次拆息回落同以往唔同，過往美國步入減息周期、市場睇淡歐美經濟時，就會轉向睇好亞洲市場，但今次資金進場速度快，但美股已經慢慢回升，若之後流入嘅資金減少，本地地產股都會有一定風險。

Ivan又話，依家買樓嘅收益會較高，但風險亦相對大，揀負債比率較低嘅地產股股份會穩陣啲，例如新鴻基地產(00016)及恒基地產(00012)，手持較多正現金就有信和置業(00083)，但依家未必係揀正現金流股份嘅好時機，想純收息嘅投資者不妨吼房地產信託基金(REITs)，始終地產股會受派息比率等其他因素影響，不確定性較高。