【Now財經台】截至早上11時止，1小時内《彭博》用戶搜尋量最多港股，依次為地平線機器人(09660)、康方生物(09926)、中國移動(00941)、比亞迪股份(01211)及美團(03690)。
比亞迪突然喺出業績前宣布，計劃派紅股及轉增股，變相將股份「1拆3」，刺激股價今日(23日)造好，一度迫近400元關口，點解會揀呢個時間公布呢個消息？
資深證券分析師彭偉新認為，比亞迪因為業績理想，希望回饋股東就計劃派錢。佢又話，比亞迪入場費高達20萬元，其實一直為人詬病，因為一般散戶投資者未必負擔得起，所以公司需要諗下點樣降低入場費，增加市場流通性。
Castor又提醒，未入場嘅投資者可以再等等先再做部署，有貨就可以繼續持有，投資者可以先留意除淨日及大市氣氛，再做較長線部署。
