【Now財經台】石油出口國組織及盟友(OPEC+)決定6月起大幅增產，紐約期油及倫敦布蘭特期油昨晚(5日)齊創4年收市新低，低見每桶55.3美元及58.5美元，今日(6日)暫時有少少反彈。過去1年，「3桶油」表現同布油走勢關連性唔大，睇返過往股價走勢，係咪睇派息重要過油價？
天風國際證券經紀業務部董事李偉傑指，OPEC+上周提出會增產後，油價曾過到55美元水平，「3桶油」中，以從事上游業務為主嘅中國海洋石油(00883)對油價嘅敏感度最高，亦係最受壓嘅油股。油價受壓時，以下游業務為主嘅中國石油化工股份(00386)會比較受惠，而中國石油股份(00857)就比較中性，由於公司上中下游業務都有，投資者就要留意未來下游產品，可唔可以抵銷上游勘探業務嘅影響。
Jason又話，若油價下跌係因為經濟衰退，「3桶油」都會受到拖累，若純粹因OPEC+增產導致油價下跌，主打下游業務嘅企業可以得到紓緩，但長遠要睇市場幾時可以消化，中美角力對原油需求嘅影響。
